رد: يـــرحــم ايــامــك يـاســتــي *_^

من طرف حنين الثلاثاء 09 يونيو 2009, 8:42 am

عنجد يسلموووووو على الموضوع الحلو وفعلا يرحم ايامك يا ستي

اه والله كلامك كلو صح
مشكووووووووووووووووور على الموضوع الحلو
واحلى شي حبيب امك شو بتجنن خخخخخخخخخخخخخخخخخخ
تقبل مروري يـــرحــم ايــامــك يـاســتــي *_^ 68921

يـــرحــم ايــامــك يـاســتــي *_^ 68921

من طرف SaY3DaY3 الإثنين 08 يونيو 2009, 1:23 pm

يـــرحــم ايــامــك يـاســتــي *_^

أيـــــــــام زمــــــــان مـــرت مـــع الأزمــــــــان

هلا شو رايكم هيك نعمل مقارنه بين زمنا وزمن سيدو وستو

ولنشوف الفرق مع بعض

(( العشر قروش "البريزه" ))

زمان .. البريزه والشلن كانو واااو حتى القرش بيستفيدو منو ,,

( كان بابا يقلي انو بقرش واحد كانو يشترو شيبس وعصير )

هالوقت ,, البريزه صرنا نشتري فيها شيبس فيه حبتين ,,,

(( الــــزواج ))

زمان .. كانت أمور الزواج ميسرة وقليلة العنوسه وكل يوم

بنسمع هاد تجوز وهديك انخطبت ...

هالوقت ... العنوسة تزيد كل سنه والي بدو يتجوز بدو يصفى

عالحديده مهر وشبكه ودبل وفساتين وجهاز وبيت ومفروشات وشهر العسل والصاله ....الخ

<< الله يعينكم شباب

(( الأغـــــانــــي ))

أغاني زمان كلها شعر وكلماتها تدخل القلب والعقل ... وما تنتهي صلاحيتها ...

وحتى المغنيين فنانين وصوتهم بهز جبال ومو اي واحد بيطلع يغني

جد كانو ستارز

أما

أغاني هالوقت تعالا بص وماتسمع

صارت كلمات الاغاني

ليك الواوا بوس الواوا خلي الواوا يصح !!!!!!

لا تلعب بالنار واوا اح واوا اح !!!!!

انا دانا انا دندن فتح عينك تاكل ملبن !!!!

العنب العنب العنب !!!!!!!

يالبرتقاله غذبتي حالا !!!!!!!

وبتلاقي اي حدا بيطلع يطربنا سوري قصدي يطرشنا

بتلاقي الواحد الماما قالتلو حبيب امك انت شو بتجنن

صدق حالو وطلعلو كليب

ولا واحد حلم انو غنى صار فنان ماشاء الله وصدق حالو

(( الفيديو كليب ))

زمان .. الفيديو كليب يقف الفنان ويغني لحد ما تحفظ شكلو وما تجيك الا لقطات بسيطه عن

عيون حبيبتو أو وجهها من بعيد ...

هالوقت .. الفيديو كليب بتحوّل عيونك من كثر لقطات هالبنات

اللي ترقص وما بتعرف مين هو الي عم بيغني اصلا ومستحييل تلاقي كليب

من غير امثال مغنيات اخر زمن !!

(( الــــــحــــــــــب ))

حب أيام زمان آخره زواج ويكون صادق من القلب فيه تضحية واخلاص . .

هالوقت .. فيه حب بس نادر ما تلاقيه صادق ...

انتشر الكزب واللعب بالمشاعر

وصار الشاطر اللي بيكسر قلوب بشر اكتر

(( الجيران ))

زمان .. الجار للجار حتى بيروحوا معك للمناسبات وبيشاركوك

أفراحك وأحزانك ... وتحس اللي جنبك أهلك مو جارك ...

هالوقت .. الجار ما بيعرف عن التاني

و اذا رن عليك حدا قلت شو بدو هاد ؟؟؟ >> والله جيران مزعجين ...

(( الأكل ))

زمان ... كان صنف واحد يشبعك وطعمه ما ينتسى ... حتى الخضرة كان الها فايدة وطعم ,,

هالوقت .. تحط بالسفرة أكثر من صنف ولا واحد يشبع بطنك

وقد مااكلنا فواكه وخضار بينحسو من غير طعم ولا فايده !!!

(( الوصل والأقارب ))

زمان .. كان بالبيت فيه أكثر من 20 شخص الأم والأب وولادهم ونسوانهم واطفالهم>>> وعايشين مرتاحين ..

هالوقت .. كل واحد بدو غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...

((( العيد )))

زمان ... العيد يفرح فيه الكبير والصغير ويومه ما ينتسى ...

هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...

* * * * * * * * * * * * * * * * * * * *

بالاول والاخير "رزق الله عايام زمان"

وبالفلسطيني "يرحم ايامك يا ستي"

واهم شي

ايام زمان كانو العرب متوحدين وكلهم مع بعض مو متل هللا بيكون في حرب بالبلد الي جنبنا

واحنا مو عارفين شي وبنغني وبنفرح ولا كانو شي صاير و كل واحد ماشي على مقولة

اللهم نفسي